Another Indenture

jester · Post by **jester** » Thu Jan 19, 2006 1:02 pm

1 Ceste endenture faite parentre mons[ire] Johan duc de Lancastre, seneschal Dengleterre, dune part, et Nicholas de Atherton', dautre part, temoigne qe le dit Nicholas est demorez envers le dit duc pur pees et pur guerre a terme de vie.

2 Pur quele demoer le dit duc ad grantez au dit Nicholas dys lyvres dargent par an a terme de sa vie ou jusqes au temps qil aura autrement ordenez pur soun estat, a prendre mesmes les dys livres des issues de soun manoir de Derby en counte de Lancastre a les termes de Pasque et de la seint Michel par oveles porcions par les mains de soun receivour illoeqes qi pur temps serra.

3 Et comencera le dit Nicholas soun an de guerre le jour quil se departira de son hostiel envers le dit duc par ses lettres queux luy serront envoiez, et delors prendra tieles gages come autres esquiers de sa condicioun prendront si bien decea la meer come par dela et covenable eskippesoun pur ses gentz et chivaux et ses autres hermeises pur passage et repassage.

4 Et serront se chivaux de guerre prisez, et si null' de eux soient perduz en le service le dit duc, restor lui serra faite come reson demande, el alors en aura le dit duc la moite des prisoners et jayns de gueree prisee et gaynez par le dit Nicholas. Et si null' des chivaux lavantdit Nicholas ne soient prisez, alors aura le dit duc sinoun' la tierce partie des profitz de guerre issint par le dit Nicholas gaynez.

5 En tesmoignance de quele chose les avantditz duc et Nicholas a cestes endentures entrechangeablement on mys lour sealx.

6 Don' al manoir de la Sauvoye juxte Londres' le xxiiij jour de marcz, lan d regne nostre seignur le roy Edward' tierce quarant quart.

This one has some interesting details regarding the term of service (which will start as soon as Nicholas leaves him home to join the Duke) and compensation for lost horses and prisoners and other gains of war. I'm not really clear on what the terms are. Note that Nicholas is receiving ten livres and is expected to serve with six mounted men at arms and six other men.