More Indenture
Posted: Fri Jan 20, 2006 9:41 am
I have more than fourty of these. I'm going to put a lot of them online, but not all because Professor Lewis summarizes some of the material.
Indentures of Retinue with John of Gaunt, Duke of Lancaster, Enrolled in Chancery 1367-1399
Prof. N.B. Lewis
1 Ceste endenture fait parentre nostre seignur Johan roy de Castille et de Leon, duc de Lancastre, dune part, et William Chetewynde, esquier, dautre part, tesmoigne qe, come le dit William avant ces heures estoit retenuz et demorez envers nostre dit seignur par certeinez lettres endentez pur pees et pur guerre, pregnant pur son fee par an si bien en temps de pees come de guerre dys marcs desterlinges des issues del receite del Nobel Chastel souz Lyme, les queles lettres endentez le dit William ad perdu, et ore le dit nostre seignur veullant encresser lestat de meisme celuy William et luy novelment retener devers luy en manere qensuit.
2 Cest assaver qen cas de unqes les dites lettres endentez soient trovez apres la date dicestes, qeles soient de nulle vertue, et le dit William est retenuz et demrez envers nostre dit seignur pur pees et pur guerre a terme de sa vie.
3 et prendra pur soun fee par an si bien en temps de pees come de guerre dys livres desterlinges des issues del Novel Chastell' souz Lyme suisdit par les mains de le receivour illoeqes qore est ou qi pur le temps serra as termes de Pasqes et de seint Michel par owell' porcions et teles gages pur pees et pur guerre come autres esquiers de sa condicion prendront. Et outre ceo nostre dit seignur luy ad grante par an en temps de guerre cynk marcs pur son regard' de guerre a prendre par les mains de le tresorer de guerre de nostre dit seignur qi pur le temps serra.
4 Et comencera son an de guerre le jour qil se remuera de soun hostell' envers nostre dit seignure par ses lettres queles luy ent serront envoiez, et delors prendra gages en venant et retournant par resonables journez.
5 Et endroit des prisoners et autres profitz de guerre par luy ou nul de ses gentz prisez ou gaignez ensemblement et de eskypesoun, le dit nostre seignur ferra a luy en manere come il ferra as autres esquiers de sa condicion.
6 En tesmoignance de quele chose les avantditz nostre seignur le roy et William a cestes presentes endentures entrechangeablement ount mys lour sealx.
7 Don' A londres le primer jour de april, lan du regne nostre tresredoute seignure le roy Dengleterre cynquantisme et de France trente et septisme.
Indentures of Retinue with John of Gaunt, Duke of Lancaster, Enrolled in Chancery 1367-1399
Prof. N.B. Lewis
1 Ceste endenture fait parentre nostre seignur Johan roy de Castille et de Leon, duc de Lancastre, dune part, et William Chetewynde, esquier, dautre part, tesmoigne qe, come le dit William avant ces heures estoit retenuz et demorez envers nostre dit seignur par certeinez lettres endentez pur pees et pur guerre, pregnant pur son fee par an si bien en temps de pees come de guerre dys marcs desterlinges des issues del receite del Nobel Chastel souz Lyme, les queles lettres endentez le dit William ad perdu, et ore le dit nostre seignur veullant encresser lestat de meisme celuy William et luy novelment retener devers luy en manere qensuit.
2 Cest assaver qen cas de unqes les dites lettres endentez soient trovez apres la date dicestes, qeles soient de nulle vertue, et le dit William est retenuz et demrez envers nostre dit seignur pur pees et pur guerre a terme de sa vie.
3 et prendra pur soun fee par an si bien en temps de pees come de guerre dys livres desterlinges des issues del Novel Chastell' souz Lyme suisdit par les mains de le receivour illoeqes qore est ou qi pur le temps serra as termes de Pasqes et de seint Michel par owell' porcions et teles gages pur pees et pur guerre come autres esquiers de sa condicion prendront. Et outre ceo nostre dit seignur luy ad grante par an en temps de guerre cynk marcs pur son regard' de guerre a prendre par les mains de le tresorer de guerre de nostre dit seignur qi pur le temps serra.
4 Et comencera son an de guerre le jour qil se remuera de soun hostell' envers nostre dit seignure par ses lettres queles luy ent serront envoiez, et delors prendra gages en venant et retournant par resonables journez.
5 Et endroit des prisoners et autres profitz de guerre par luy ou nul de ses gentz prisez ou gaignez ensemblement et de eskypesoun, le dit nostre seignur ferra a luy en manere come il ferra as autres esquiers de sa condicion.
6 En tesmoignance de quele chose les avantditz nostre seignur le roy et William a cestes presentes endentures entrechangeablement ount mys lour sealx.
7 Don' A londres le primer jour de april, lan du regne nostre tresredoute seignure le roy Dengleterre cynquantisme et de France trente et septisme.